हमर प्रदेश के मुखिया अउ किसान के लईका हमर मुख्यमंत्री जी ला सारंगढ़ मे जय जोहार, सारंगढ़ के पवित्र माती मे वंदन अभिन्दन- लोकप्रिय विधायक उत्तरी गनपत जांगड़े

हमर प्रदेस के किसान के लईका हमर मुखिया मुख्यमंत्री जी …
संत बाबा गुरुघासी दास जी के ग्यान इस्थल पान- पानी -पालगी के नगरी हमर सारंगढ़ म सारंगढ़ -बिलाईगढ़ संघरे जिला के सुभारम्भ बर हमर प्रदेस के जोन किसान के लईका माटी के लाल हमर मुखिया भूपेश बघेल जी ल जोहार हे …अउ सुवागत वंदन करत हंव ।
अबड खुसी के बात आय की सारंगढ़ जिला के आजी 03 सितम्बर 2022 के बिहिनिया बेरा म होही ।15 बछर ल भाजपा के डॉ रमन सिंह सरकार है सारँगढिया मन ल पुचकार -भुलवार के अपन रोटी सेकिंस अउ ठग दिस ।हमर सारंगढ़ म बड़े -बड़े आम सभा जुलूस करीस अउ अपन जबान ल फिर गे ये बात ल सबो जानत हे काखरो ले छुपे नी हे ।आजादी मिले के 10 -12 बछर के बाद ले सारंगढ़ जिला के मांग इंहा के हमर पूर्व विधायक जी मन करीन फेर ओ समय मध्यप्रदेश रहिस त हमर सारंगढ ल लाभ नि मिल पाइस । सारंगढ ह एक अलग रियासत रहिस यहाँ तक के सारंगढ़ म हाईकोर्ट चलय फेर आजादी मिले के बाद ये रियासत ह विलीन होंगे यहां ले मुख्यमंत्री तको रहिन ।हमर सुघ्घर सारंगढ़ के बानी -बोली अबड मिठ हे तेखरे सेती तो पान पानी पैलागी के नगरी ले जाने जाथे ।
इतिहास ल पढ़े ले पता चलथे सारंगढ़ ल जिला बनाये के मांग हमर पूर्वज मन करत आवत हे जेमा प्रमुख रूप ले पूर्व विधायक हुलास राम मनहर जी ,भैया राम खुंटे जी अउ उही म हमर कांग्रेस के नवा -जूना पीढ़ी मन अपन आंदोलन ल लचावत रहिन अउ मांग ल रखत रहिन जेमन के योगदान ल कभू भूले नी जा सके ।अउ मोला तो जादा बोले नी आय फेर मेहर हमर सारंगढ़ के दो लाख ले जादा लोगन मन के बात ल हमर मुखिया करा रखे अउ आज ओ सुघ्घर गढ़ी के आप सबो गवाह बनिहा ।शहीद नन्द कुमार पटेल जी ह घलो सारंगढ़ जिला बन जाये कहके सपना देखे रहिंन आज सबो के सपना ह अब पूरा होवइया हे ।सारंगढ़ जिला के मांग जतेक हमर पूर्वज अउ युवा संगवारी मन अपन बात ल रखिन जिला ब सबो ल मेहर जोहार करत हंव ।हमर प्रदेस के मुखिया ल संयुक्त जिला के उद्घाटन आगमन म हिरदे ले जोहार अउ परनाम करत हो ।
जय जोहार जय सारंगढ़
श्रीमती उत्तरी गनपत जांगडे
विधायक सारंगढ़